Al twee Jahrn gifft dat för ganz Schleswig-Holsteen de plattdüütsche Leeswettbewarv „Schölers leest platt“ un unse School is ümmer dorbi.

Ditmal harr keeneen vun de grooden (8. – 10. Klass) Schnuuten dorbi mittomoken. Schaad, denn dor sünd wölcken bi, de dat richti fein könen.

Dorvör harrn sik bi de Lütten (5. – 7. Klass) een Dutten anmeldt. Frau Peters hett sik de al anhört un de veer besten rutsöcht, de nu vör een Jury nochmol ehr Geschicht vörlesen schullen, dormit de Beste vun uns School rutfunnen warrn kunn.

Wunnen hett denn Corvin Schmidt ut de 7b, tweete is Linn Krabbenhöft ut de 5c worrn un de drüdde Platz deelen sik Samantha Schade (5a) un Emily Pagel (5c).

För jeedeen geev dat een Urkunn un een beeten Snoopkraam. För de Deerns geevt dat uk noch Goodschiens för uns Cafereria und för de Winner Corvin geev dat noch een Goodschien för MediaMarkt.

Corvin schall sien Geschicht (Dor geiht nix över Football) denn uk noch mol bi de Landschaapswettbewarf vörlesen. Dorför drück wie em de Duumens.

Veelen Dank an de Jury, de sik de Tied för uns Schöler nomen hett.

Achtern de Jury vun links: Herr Mattsen, Herr Staritz, Herr Andresen, Fruu Wegner
Vörn de Schölers vun links: Linn (2.) Emily (3.), Samantha (3.) un Corvin (1.)