Unse beiden Schoolsieger bi de plattdüütsche Leeswettbewarf Lisa Lund ut de 6b und Corvin Schmidt ut de 9b weern nu beid los to de näste Rund vun de Wettbewarf, sotoseggn dat Viddelfinal.

Lisa weer an 6. März los no Satrup in de Bökeri. Dor weern söven Schölers, de uk al an se ehr Schoolen wunnen harrn un Lisa hett dat dor op de veerte Platz schafft. Fruu Thimm weer mit dorbi un hett vertellt, dat Lisa fein vörleest hett.

An 11. März weer dat denn för Corvin sowiet. He muss no de Bökerie in Kappeln hen un he is dor op de tweete Platz komen. He weer uk de eenzige Jung, de annern dree Lesers weern Deerns. Un de, de denn wunnen harr, is för twee Johrn de tweete vun ganz Schleswig-Holsteen worrn. As de direkt för Corvin leest harr, see he glieks to Fruu Peters: „Deit mi leed, dor kann ik nich över!“ He hett denn aver liekers fein leest un weer denn uk ganz tofreeden un stolt mit de tweete Platz.

Dörte Peters